У Гродне выявілі фальшывыя беларускія грошы новага ўзора

|

Банкноту даследавалі спецыялісты Гродзенскага міжраённага аддзела Дзяржаўнага камітэта судовых экспертыз. Асноўныя прыкметы, якія паказваюць на яе падробку, наступныя:

 

-неадпаведнасць памеру грашовага білета;

-невыразнасць колераперадачы малюнкаў;

-адсутнасць вадзянога знака;

-несумясцімасць малюнкаў лічбаў «20»;

-адсутнасць уціснутасці або выпукласці паперы ў месцах малюнка;

-невыразнасць дробных элементаў;

-нечытаемы мікратэкст;

-расплывы фарбы, яе растваральнасць пад уздзеяннем вады.

 

Па факце вырабу і збыту падробленых грошай Гродзенскі міжраённы аддзел Следчага камітэта ўзбудзіў крымінальную справу ( ч.1 арт.221 КК).

 

Следчыя агледзелі месца здарэння, канфіскавалі чэкавую стужку касавага апарата. Праводзяцца допыты работнікаў крамы і супрацоўнікаў службы аховы, вывучаюцца запісы камер відэаназірання, праводзяцца іншыя следчыя дзеянні.

 

Гэта другі факт збыту падробленых беларускіх грошай пасля дэнамінацыі. Першы адбыўся ў сярэдзіне ліпеня ў Глыбокім Віцебскай вобласці. У абодвух выпадках падраблялі падвергнулася грашовая банкнота вартасцю 20 рублёў.

 

Следчыя нагадваюць, што ў дачыненні да новых грошай варта звяртаць увагу на:

 

Вадзяны знак — злева ад асноўнай выявы, калі глядзець на бок з малюнкам будынку, на белым полі паўпразрысты знак, што мае паўтараць фрагмент асноўнай выявы.

 

Абарончая ніць — праз усю купюру па вертыкалі каля цэнтру пунктоўкай ідзе металічная стужка, на прасвятленне бачная суцэльнай лініяй з прамым і перагорнутым тэкстам з наміналам купюры.

 

Пазнака для людзей са слабым зрокам — у левым ніжнім боку, калі глядзець на купюру з боку малюнка з будынкам, рэльефныя геаметрычныя фігуры.

 

Сумяшчэнне лічбаў на прасвятленне — на белым полі купюр часткова нанесены лік наміналу, на прасвятленне лічбы становяцца цэлымі.

 

Схаваныя выявы — на купюрах у 50, 100, 200 і 500 рублёў у малюнку арнаменту на прасвятленне бачная схаваная выява наміналу.

 

Фарба, што мяняе колер — на купюрах у 200 і 500 рублёў намінал у правым верхнім куце з адваротнага боку (той, што з калажам) мяняе колер пры нахіленні купюры.

 

Банкноты па 1, 2 і 3 рублі не выпускаліся.

 

Калі вы маеце сумненні ў сапраўднасці грашовых знакаў, звярніцеся для атрымання заключэння ў тэрытарыяльныя падраздзяленні Дзяржаўнага камітэта судовых экспертыз. У Гродне гэта можна зрабіць, папярэдне патэлефанаваўшы па тэлефонах: ( 8-0152 ) 79-76-34, 54-02-66.