У Гродне не чакаюць снегу: сталі на лыжы ўжо на пачатку восені

|

На дарожках лесапаркавай зоны адпачынку “Пышкі” ў рамках адкрытага чэмпіянату Гродзенскай вобласці 3 верасня прайшоў этап Кубка Беларусі па бегу на лыжаролерах.


У адзіным у годзе масавым старце лыжнікаў на колах прыняло ўдзел каля 50 спартсменаў і аматараў з усёй Беларусі. Мужчыны да 60 гадоў ехалі на дыстанцыі 50 км, а тыя, хто старэйшы, а таксама жанчыны – 30 км.

 

 

Спаборніцтвы ў Гродне праходзяць ужо трэці год запар. Пачаткова планавалася правесці іх на цэнтральных вуліцах горада, але ўсё ж арганізатары спыніліся на “Пышках”.