Гродзенцаў спыталі пра стаўленне да супрацоўнікаў ДАІ
У ананімным анкетаванні паўдзельнічала 930 жыхароў Гродзеншчыны – кіроўцы-прафесіяналы, інжынерна-тэхнічныя работнікі аўтапрадпрыемстваў і аўтааматары. З апытаных пераважалі мужчыны – 82,1%.
Анкета складалася з 20 пытанняў, а таксама змяшчала магчымасць выказацца аб праблемах і прапановах па ўдасканаленні працы па забеспячэнні бяспекі дарожнага руху. Асобна высвятлялся стаўленне насельніцтва да працы супрацоўнікаў ДАІ.
Да асноўных прычын ДТЗ кіроўцы аднеслі наступныя: нізкі ўзровень транспартнай дысцыпліны і недастатковая падрыхтоўка кіроўцаў, недысцыплінаванасць пешаходаў, недастатковая праца ДАІ па папярэджанні парушэнняў правіл дарожнага руху, выезд на дарогу няспраўных транспартных сродкаў і сяльгастэхнікі, няякаснае пакрыццё дарог, адсутнасць дастатковага асвятлення ўначы ў небяспечных скрыжаваннях.
Супрацоўнікі пракуратуры адзначаюць, што парушэнні хуткаснага рэжыму, правіл абгону і праезда перакрыжаванняў кіроўцамі легкавікоў апошнім часам носяць масавы характар і найчасцей з’яўляюцца непасрэднымі прычынамі ДТЗ, у тым ліку з гібеллю людзей.
Ёсць таксама нараканні і ў адрас аўташкол і аўтанавучальных камбінатаў, кіроўцы і спецыялісты якіх часта не толькі не прымаюць мераў па падвышэнні ўзроўню падрыхтоўкі кіроўцаў, але і дапушчаюць за хабар да здачы экзаменаў курсантаў без дастатковай тэарэтычнай і практычнай падрыхтоўкі.
Яшчэ адна праблема – недахоп парковачных месцаў для вялікай колькасці асабістага транспарта грамадзян, якая ўвесь час расце, адзначылі ў пракуратуры.
Па матэрыяле “Ежедневника”
Здымак з news.bigmir.net/