Румлёўскі парк вырашылі заасфальтаваць

|

Пракладка асфальтавых сцежак у парку зусім не адпавядае эстэтыцы ды захаванню экасістэмы ў гэтым цудоўным кутку горада, лічыць Віталь Карнялюк, даследчык гісторыі Румлёўскага парку.

 

– Літаральна па-жывому, не па былых нават сцяжынках, па-жывому пракладзеная велізарная асфальтавая дарога і, па-сутнасці, пракладзена па мясцінах, дзе нават не хадзілі людзі з сабакамі, гэта жывая прарубка па тэрыторыі.  Канешне, ні ў якія рамкі аховы помніка прыроды гэтыя падзеі не ўваходзяць.

>

Упершыню Румлёўскі парк, разам з сядзібай згадваецца ў ХІХ стагоддзі, як уласнасць Ляхніцкіх.

Яе фундатарам быў Ігнат Ляхніцкі, віцэ-маршалак, слынны публіцыст ды філосаф.

Пасля маёнткам валодалі Францішка Відацкая (матка Элізы Арэшкі), Васількоўскія.

Разам з прымыкаючым лесам парк ўтварае адзіную прыродную сістэму з разнастайным светам раслінаў ды жывёл.

Уяздныя прысады з сямью клёнамі, якім больш як дзвесце гадоў, не мае роўных у Беларусі, лічыць эксперт парку, прафесар Федарук з універсітэта імя Максіма Танка – паведамляе Радыё Рацыя.

 

Фота аўтара