Гродна чакае вясельны бум
Дырэктар Дома грамадзянскіх абрадаў гарвыканкама Галіна Казакова:
– У Доме грамадзянскіх абрадаў на 29 і 30 красавіка ўжо прынята 86 заяваў.
Красавіцкая актыўнасць пар звязаная не толькі са сканчэннем паста, але і з забабонам, што ў маі заключаць шлюб непажадана.
Хаця, упэўненыя ў сабе і сваім каханні маладыя людзі не баяцца ніякіх забабонаў. На май ужо пададзена 30 заяваў аб рэгістрацыі шлюбаў.
У мінулым годзе ў Гродне створана 3039 сямей, толькі ў Доме грамадзянскіх абрадаў – 1391. Амаль 30% з іх – паўторныя.
У асноўным гродзенцы бяруць шлюб ва ўзросце 20-29 гадоў.
Найстарэйшым жаніхом летась стаў 94-гадовы мужчына, нявестай – 79-гадовая жанчына.
А самай маладой нявесце не было і 16 гадоў.
Летась у Доме грамадзянскіх абрадаў зарэгістравалі 114 шлюбаў з замежнымі грамадзянамі, у асноўным з Расіі, Украіны і Польшчы.
Радзей – з Францыі, ФРГ, Літвы, Кіпра, Маўрытаніі, Марока, Пакістана, Сірыі, Лівіі, Вялікабрытаніі, Канады, Ізраіля, Кітая.
Паводле http://grodnonews.by
Фота з сайта http://telegraf.by