Аб’яўлены ў вышук гродзенец знайшоўся ў Польшы

|

Абвесткі з просьбай да грамадзян паведаміць пра месца знаходжання Аляксея Салея з’явіліся на сайце УУС Гродзенскага аблвыканкама і на старонках газеты “Милицейский вестник”.

Як паведаміла Радыё Рацыя, Салей у дадзены момант знаходзіцца ў Польшы, куды з’ехаў, каб не сесці за краты. Ён кажа, што справа супраць яго сфабрыкаваная і звязаная са справай Андрэя Пачобута:

Мы разам з Пачобутам працавалі, я заўсёды быў з ім побач. Шмат у якіх справаў быў у курсе. На допыце ў КДБ мне сказалі, каб я даваў паказанні на Пачобута, казалі, інакш будзе горш, я адмовіўся.

Пакуль існуе крымінальная справа, Салей вяртацца ў Беларусь не збіраецца і плануе працаваць у Варшаве.

Фота Аляксея Салея з  www.facebook.com