Беларусь пакуль не мае ліцэнзіі на будаўніцтва АЭС на Астравецкай пляцоўцы
Міністэрства энергетыкі разлічвае атрымаць ліцэнзію на размяшчэнне станцыі ў Гродзенскай вобласці да кастрычніка, паведамляе інфармацыйнае агенцтва Regnum.
Паводле дырэктара дэпартамента па ядзернай энергетыцы Мінэнерга Беларусі Мікалая Грушы, затым будзе неабходна атрымаць ліцэнзію на будаўніцтва, затым – на эксплуатацыю АЭС.
Пры гэтым адсутнасць ліцэнзіі на будаўніцтва не перашкодзіць распачаць у чацьвёртым квартале працы па падрыхтоўцы катлавана першага энергаблока на Астравецкай пляцоўцы.
АЭС, як вядома, будзе пабудавана на расійскія сродкі і па расійскай тэхналогіі.
Генеральны падрадчык будаўніцтва – ЗАТ “Атамбудэкспарт”.
Міжурадавае пагадненне паміж Расіяй і Беларуссю было падпісана ў Мінску 15 сакавіка 2011 года.
Будаўніцтва АЭС павінна скончыцца ў 2017-18 гадах.
Яе кошт складзе каля 9 мільярдаў долараў.