Аўтамабільны вундэркінд

На адным з вучасткаў дарогі Мінск-Гродна супрацоўнікі ДАІ спынілі 32-гадовага жыхара Шчучына. Едучы па трасе на сваёй легкавушцы, ён набраў добрую хуткасць, а затым пасадзіў сабе на калені сямігадовага сына і даверыў яму руль.


Пры гэтым побач сядзела маці хлопчыка, а ззаду – яго бабуля і дзядуля! Хто праязджаў міма, надоўга запомнілі гэтую радасную карцінку.

 

Выпадак нават у супрацоўнікаў ДАІ выклікаў здзіўленне. Як паведаміў нам начальнік Шчучынскага аддзела ДАІ маёр міліцыі Уладзімір Хільмончык, на бацьку-вадзіцеля быў складзены пратакол аб парушэнні правілаў перавозкі пасажыраў. Аматар экстрэмальнага ваджэння быў вымушаны заплаціць штраф.

 

Але, калі так разабрацца, што тут увогуле дзіўнага? Некаторыя беларускія дзеці ў такім узросце вучацца кіраваць дзяржавай – і нічога. А ў гэтым выпадку усяго нейкі аўтамабіль…