Беларускія няўрадавыя арганізацыі патрабуюць спыніць будаўніцтва АЭС

|

На думку Асамблеі, будаўніцтва катлавана атамнай станцыі, распачатае 31 мая, вядзецца без узгаднення праекта Астравецкай АЭС, на што ўказвае паведамленне афіцыйнай прэсы пра пачатак праектавання АЭС і выбарку катлавану.

 

У прынятай удзельнікамі Асамблеі рэзалюцыі гаворыцца:

Усе рашэнні пра будаўніцтва АЭС у Беларусі прынятыя недэмакратычным, антыканстытуцыйным  шляхам, з парушэннем нацыянальнага заканадаўства і міжнародных дамоўленасцяў, экалагічных правоў грамадзян Беларусі і жыхароўсуседніх … краін. … Пра гэта сведчыць артыкул 18 Канстытуцыі Рэспублікі Беларусь, што дэкларуе бяз’ядзерны статус краіны. Рашэнне пра будаўніцтва АЭС у Беларусі было прынятае без уліку меркавання грамадзян, без правядзення рэферэндума, якога патрабуе артыкул 73 Канстытуцыі краіны”.

 

Будаўніцтва АЭС, сцвярджаецца ў рэзалюцыі Асамблеі, вядзецца з парушэннем міжнародных экалагічных канвенцый, Орхускай і Espoo.

 

Асамблея няўрадавых арганізацый заклікала сакратарыят канвенцыі Espoo (Канвенцыя пра ацэнку ўздзеяння на навакольнае асяроддзе ў транспамежным кантэксце) прыкласці намаганні для спынення будаўніцтва на час разбіральніцтва, якое вядзецца.

 

Заяўляецца таксама пра недапушчальнасць дзеянняў праўрадавых аб’яднанняў па арганізацыі так званага грамадскага маніторынгу будаўніцтва АЭС у Астраўцы. Мэтай гэтага, на думку ўдзельнікаў Асамблеі,ёсць легітымацыя праекта Астравецкай АЭС і наданне яму бачнасці падтрымкі з боку грамадскасці.

 

Асамблея НГА — найбуйнейшае ў Беларусі аб’яднанне няўрадавых дэмакратычных арганізацый і ініцыятыў, у яе ўвахордзяць больш за 300 арганізацый.

Паводле http://belapan.by

Здымак http://zaprirodu.livejournal.com