Посуд і шкарпэткі купіце ў «Версалі»

|

Крама прадпрыемства бытавога аблугоўвання насельніцтва ў Мастах працяглы час не мела назвы. Цяпер жа месца дзе гандлююць шкарпэткамі, панчохамі, посудам і пластыкавымі вырабамі названа гучным словам «Версаль».


Хоць гандлююць там у асноўным таварамі беларускай вытворчасці, назва зусім не па-нашаму. І такія іншаземныя назвы сёння паўсюль. У Іўі, напрыклад, назву «Версаль» мае не толькі крама, але і бар. У Гродне я таксама бачыў нешта падобнае з заходнім акцэнтам. У вачах стракацяць розныя «Дэжа Вю», «Мілан» і так далей. Атрымліваецца, што прыгожых беларускіх слоў гандляры ці то не ведаюць, ці то саромеюцца.