Гарадзенец стаў лепшым ракетапланерыстам у Еўропе

|

Мадэль гарадзенскага канструктара даўжэй за іншыя пратрымалася ў паветры.

 

«Твой стыль» не аднойчы пісаў пра таленавітага ракетамадэліста.

У 2010 годзе Аляксандр Ліпай – кіраўнік ракетна-касмічнай лабараторыі Гродзенскага цэнтра тэхнічай творчасці – стаў першым беларусам, які выйграў Кубак свету на гэтых прэстыжных спаборніцтвах.

У кастрычніку 2011 гарадзенскі ракетамадэліст стаў чэмпіёнам чарговага сезона Кубка свету па ракетамадэльным спорце.

Тады Аляксандр казаў, што з-за адсутнасці фінансавання атрымліваецца ўдзельнічаць далёка не ва ўсіх спаборніцтвах, бо ўсе выдаткі даводзіцца аплочваць самастойна.

Сваю першую ракету ён змайстраваў яшчэ школьнікам. З тае пары больш за 25 год працягвае займацца ўлюбёнай справай.

 

Акрамя спартыўнага ракетамадэлявання Аляксандр займаецца стэндавым мадэляваннем – вырабляе копіі існых касмічных апаратаў з паперы, і так званым «шоў-мадэляваннем» – вырабам ракет да пэўных святаў.

У Гродне майстар узначальвае спецыяльную лабараторыю па ракетамадэляванні, дзе перадае свой досвед школьнікам.

 

 

Здымак і відэа ctv.by