Запрацаваў сайт для ахвяр хатняга гвалту

|

На старонцы па адрасе http://ostanovinasilie.org размяшчаецца інфармацыю пра хатні гвалт, адрасы, па якіх змогуць дапамагчы ахвярам, будзе працаваць блог.


Пры жаданні наведнікі старонкі змогуць атрымаць інтэрнэт-кансультацыю юрыста і псіхолага.

Сайт створаны пры падтрымцы праектаў міжнароднай тэхнічнай дапамогі “Павышэнне нацыянальнага патэнцыяла дзяржавы па супрацьдзеянню хатняму гвалту ў РБ” і “Развіццё нацыянальнага патэнцыялу РБ у мэтах супрацьдзеяння хатняму гвалту ва ўмовах дасягнення гендэрнай роўнасці”.

 

Адмініструе старонку грамадскае аб’яднанне “Беларуская асацыяцыя маладых хрысціянскіх жанчын”.

 

Нажаль, ахвярам хатняга гвалту практычна няма дзе схавацца ад агрэсара.

 

У Гродзенскай вобласці працуе толькі адзін крызісны цэнтр: у Лідзе пры праваслаўным сястрынстве ў гонар святой Еўфрасінні Полацкай.

Штомесяц тут знаходзяць прытулак у сярэднім 4-6 чалавек. Дапамагаюць тут толькі жанчынам, мужчынам даводзіцца адмаўляць. Звяртаюцца ў прытулак у асноўным не карэнныя жыхары Ліды: нехта, каб пераначаваць адну ноч, нехта, каб дачакацца месца ў інтэрнаце.

 

Здымак http://discussiya.com