Пад Гроднам “МАЗ” сутыкнуўся з мерсэдэсам

|

Кіроўца грузавіка сярод дня, пры выдатнай бачнасці праігнараваў дарожны знак “саступі дарогу” і  пратараніў аўтамашыну, якія ехала па галоўнай дарозе ў прамым напрамку.


Сутыкненне адбылося каля 16 гадзін 9 студзеня на Скідзельскай шашы. “МАЗ” з боку вёскі Аульс выязджаў на галоўную дарогу. Не заўважыць легкавушку было немагчыма – перакрыжаванне добра праглядалася ва ўсе бакі.

 

Удар быў настолькі моцны, што “Мерсэдэс” ператварыўся ў груду металу.

Чацьвёра чалавек, –  2 мужчыны і 2 жанчыны – якія ехалі ў легкавой машыне, з цяжкімі траўмамі дастаўленыя ў шпіталь.

 

“МАЗ”, што перавозіў шкло, ад удару перавярнуўся. Ягоны кіроўца не пацярпеў. Патлумачыць, чаму не прапусціў “Мерсэдэс”, вінаваты ў цяжкой аварыі не здолеў.

 

 

Паводле http://gaigrodno.by