У Гродне “Фальксваген Гольф” зваліўся ў Гараднічанку

|

Каля 11 гадзін вечара аўтамабіль ехаў уздоўж рэчкі па гістарычным цэнтры горада.

Рух па гэтым участку забаронены з 19.00 да 8.00.

Хуткасць “Фальксвагена” не перавышала 30-40 км/г, але на машыну занесла.

Кіроўца не здолеў спыніцца (тармазны шлях – 10 метраў) і машына зрынулася ў раку.

 

 

У часе падзення аўтамабіль двойчы перакуліўся.

Кіроўцы і пасажыру вельмі пашанцавала, што машына стала на колы, а вады ў Гараднічанцы няшмат.

Выкліканая на месца здарэння ДАІ аштрафавала кіроўцу за праезд пад забаронены знак і ДТЗ.

 

Дапамагчы падняць машыну эвакуатар не здолеў, таму на наступны дзень давялося выклікаць аўтакран.

 

 

Самае цікавае, што пасля ўсяго, што адбылося, “Фальксваген Гольф” атрымалася завесці, і ён паехаў.

 

Паводле http://autogrodno.by