Прэм’ер-міністр правядзе ў Гродне семінар-нараду

|

Міхаіл Мясніковіч прыедзе ў Гродна сёння.

Ён правядзе рэспубліканскі семінар-нараду на тэму “Індывідуальнае жыллёвае будаўніцтва “Пад ключ”.


Прэм’ер-міністр у Гродне азнаёміцца са спецыфікай будаўніцтва і эксплуатацыі энергаэфектыўных дамоў, досьведам будаўніцтва індывідуальных жылых дамоў па прыкладзе каркаснага будаўніцтва, забудовы жылога комплекса сядзібнымі дамамі са зборных канструкцый, з досьведам узвядзення зборных драўляных дамоў і буйнапанэльнага 3-кватэрнага дома.

 

Асноўнымі тэмамі нарады стануць перспектывы індывідуальнага і энергаэфектыўнага будаўніцтва ў Беларусі, фінансаванне індывідуальнага жыллёвага будаўніцтва і інжэнерна-транспартнай інфраструктуры на 2012-2015 гады.

 

Паводле http://belta.by

Здымак http://cdn1.beeffco.com