Дзень памяці забітых 70 год таму каля Ліды святароў

Дзень памяці забітых 70 год таму каля Ліды святароў

Святары Лідскага дэканату былі арыштаваныя летам 1942 года. Напярэдадні  Раства камендант турмы адпусціў ксяндзоў на святы, узяўшы абяцанне, што яны вернуцца ў турму праз некалькі дзён.

Яны разумелі, колькі можа каштаваць у гэтым выпадку стрыманне святарскага слова, аднак палічылі немагчымым яго парушыць.

10 сакавіка  10 святароў вывезлі з турмы.

Адзін з іх, цяжка хворы, страціў прытомнасць. Яго вярнулі ў турму, дзе ён і памёр праз 5 дзён.

Астатніх прывезлі ў сасновы бор і расстралялі над прыгатаванай магілай.

Імёны і прозвішчы расстраляных:

-Кс. Лабан Вінцэнт (1898 – 1943), пробашч парафіі Ліда-Слабада

-Кс. Мрачкоўскі Люцыян (1909 –1943), вікарый парафіі Ліда-Слабада

-Кс. Снягоцкі Сцяпан (1914 –1943), вікарый парафіі Ліда-Фара

-Кс. Аўгусціновіч Аляксандр (1890 – 1943), пробашч парафіі ў Нецечы

–Кс. Дабравольскі Сцяпан (1899 –1943), пробашч парафіі ў Беліцы

–Кс. Бароўскі Альфонс (1892 – 1943), пробашч парафіі ў Ляцку

–Кс. Цыбульскі Францішак (1885 –1943), пробашч парафіі ў Трабах

–Кс. Ажароўскі Юрый (1912 –1943), пробашч парафіі ў Ліпнішках

–Кс. Страснеўскі Вінцэнт (1909 –1943), пробашч парафіі ў Юрацішках

Пасля 1960 года кс. Казімір Шаняўскі, пробашч Белагруды і Ліды – Слабодкі, разам з Гэнавэфай Казакевіч арганізаваў эксгумацыю: парэшткі перавезлі на могілкі парафіі Слабодка ў Навінках пад Лідай.

На агульнай магіле ўсталявалі помнік з прозвішчамі забітых святароў.

Паводле http://grodnensis.by