Восеньскі фэст пройдзе на радзіме Чэслава Немана
Свята Чэслава Немана ладзіцца ў Шчучынскім раёне з 2010 года і штогод збірае 200-300 удзельнікаў.
Сёлета вырашылі працягнуць фэст у аграгарадку Васілішкі.
Тут будуць працаваць майстры народнай творчасці, выступяць фальклёрныя і эстрадныя калектывы.
Дзяцей запросяць на гульнявую пляцоўку, а дарослыя змогуць нарыхтаваць на зіму яблыкі: на продаж будуць прадстаўленыя больш за 10 гатункаў яблык з Васілішкаўскіх садоў.
У Васілішкаўскім цэнтры культуры і вольнага часу размесціцца выстава фотаздымкаў Алы Бібікавай.
Чэслаў Неман стаў знакамітым, калі з’ехаў у Польшчу.
Калі ў часе гастроляў па СССР у яго з’яўляўся вольны час, ён абавязкова наведваў родную вёску. 13 гадоў таму ў доме, дзе жыла сям’я Немана, адчыніўся клуб-музей.
Паводле http://www.belniva.by