Фотакарэспандэнт “Твайго стылю” з’явіўся на месцы загадзя, каб сфатаграфаваць інтэр’ер новай культурніцкай прасторы.
На адкрыцці прысутных пазнаёмілі з маладымі мастакамі, чые працы ўпрыгожваюць сцены антыкафэ: Арцёмам Эйсмантам, Машай Кулакоўскай і Паўлам Луневічам (на здымку вышэй).
Упрыгожыла адкрыццё ігрой на скрыпцы Кацярына Ганчарова.
Тыя, хто спрычыніўся да адкрыцця антыкафэ, атрымалі “антыграматы”: былі асобныя падзякі за мэблю, за ўпрыгожанне да дня адкрыцця, за асвятленне ў медыях.
Адну з грамат атрымаў прадстаўнік блога s13.ru
Нарэшце, гаспадары перарэзалі чырвоную стужачку. Антыкафэ афіцыйна распачало працу, а прысутных чакалі конкурсы, у якіх можна было выйграць абанементы на наведванне “Жывога часу”.
Безумоўная знаходка адкрыцця – шакаладны фантан, да якога нават былі чэргі.
Пра антыкафэ “Жывы час”, яго рэжым працы і адрас чытай больш тут
