Гродзенскі цэнтр кітайскай мовы і культуры атрымаў статус кабінета Канфуцыя
Цяпер перад універсітэтам адкрываюцца выдатныя перспектывы ў развіцці гэтага кірунку.
Фінансаванне кабінета будзе весціся Дзяржаўнай канцэлярыяй КНР па міжнародным распаўсюдзе кітайскай мовы. Першыя 10 тысяч даляраў ужо вылучаныя.
Акрамя таго, пасольства КНР і канцэлярыя бясплатна перададуць вучэбна-метадычную і навуковую літаратуру, фінансуюць сумесныя праекты ў галіне кітаезнаўства, аплочваюць стажыроўкі беларускіх выкладчыкаў у Кітаі і працу кітайскіх выкладчыкаў у Гродне.
Адкрыццё кабінета Канфуцыя дало ўніверсітэту права ўдзельнічаць у сусветных і еўрапейскіх форумах інстытутаў Канфуцыя і магчымасць знаёміцца з сусветным досьведам вывучэння кітайскай культуры.
Кітайская мова выкладаецца ў ГРДУ імя Янкі Купалы як другая замежная на спецыяльнасці “Лінгвістычнае забеспячэнне міжкультурных камунікацый”.
Разглядаецца магчымасць выкладання кітайскай мовы як першай і адкрыцця спецыяльнасці “лінгвакраіназнаўства” па профілі “кітаязнаўства”.
Садзейнічаць у гэтым абяцаюць Пасольства КНР, Інстытут Канфуцыя і Дзяржаўная канцэлярыя КНР па міжнародным распаўсюдзе кітайскай мовы.
На сёння ў Беларусі працуе 4 кабінета Канфуцыя – у Гомелі, Гродне, 2 ў Мінску. Іх стварэнне плануецца таксама ў Магілёве і Віцебску.
Па ўсім свеце колькасць кабінетаў Канфуцыя перавысіла тысячу.
Паводле http:// belta.by
Здымак http://fafka.ru