ПРААН дапаможа пабудаваць у Гродне яшчэ адзін энергаэфектыўны дом
Базавы праект абапіраецца на дзейсныя нормы будаўніцтва і прадугледжвае падключэнне да цэнтралізаваных сістэм ацяплення і гарачага водазабеспячэння. Усталяванне ў кожнай кватэры батарэй, тэрмастатычных клапанаў і лічыльнікаў цяпла.
Чакаецца, што расходы цяпла на гарачае водазабеспячэнне скароцяцца як мінімум на 40%, значна танней абыйдзецца і ацяпленне будынка.
У межах праекта “Павышэнне энергетычнай эфектыўнасці жылых будынкаў у Рэспубліцы Беларусь” Глабальны экалагічны фонд і ПРААН прафінансуюць будаўніцтва трох энергаэфектыўных дамоў: два – у Мінску, адзін – у Гродне.
Першы ў Гродне энергаэфектыўны дом знаходзіцца на вуліцы Дзяржынскага, 23б.
Калі ў сярэднім гродзенскія дамы спажываюць за год 170–220 кВт г/кв.м, то ў гэтым доме — усяго 35 кВт г/кв.м. Як вынік, жыхары ў мінулы ацяпляльны сезон эканомілі на камунальных плацяжах у сярэднім па 110 тысяч штомесяц.
У кватэрах няма вільгаці, цвілі, тэмпература паветра падтрымліваецца аўтаматычна.
Здымак http://www.pro-n.by