Гарадзенка заплаціла віртуальнаму махляру 500 даляраў за аздараўленне маці

26 снежня 2013 ТС |

42-гадовай жыхарцы Гродна аферыст паабяцаў вярнуць здароўе яе маці.

Пацярпелая пералічыла за мяжу больш за 500 даляраў.

Калі аферыст перастаў выходзіць на сувязь, а здароўе маці не палепшыла, жанчына звярнулася ў міліцыю.

З такім відам інтэрнэт-махлярства гродзенскія праваахоўнікі сутыкнуліся ўпершыню.

Звычайна ахвярамі махляроў робяцца ахвотныя набыць аўтамабіль альбо “пераможцы” розных латарэяў.

Гродзенскі міжраённы аддзел Следчага кімітэту распачаў крымінальную справу па ч.1 арт.209 (махлярства).