Жлобінскі “Металург” у авертайме абыграў “Нёман” з лікам 3:2

Жлобінскі “Металург” у авертайме абыграў “Нёман” з лікам 3:2

У першым перыядзе гледачы закінутых шайбаў не ўбачылі. У другім жа поспех быў на баку гарадзенцаў, па шайбах 2:1. У складзе “Нёмана” вызначыліся Пратасеня і Дадонаў, у складзе “ваўкоў” – Панцэрны.

Трэці перыяд застаўся за гаспадарамі, адну неўзаемную шайбу закінуў Восіпаў. І ў авертайме ўдача была на баку жлобінскай каманды. Вырашальную шайбу закінуў Павел Дашкоў.

“Металург” (Жлобін) – “Нёман” (Гродна) – 3:2 АД (0:0, 1:2, 1:0, 1:0)

Шайбы закінулі:

0:1 – Анатоль Пратасеня (Віталь Кірушчанкаў) 22:24

0:2 – Яўген Дадонаў (Анатоль Пратасеня ) 33:44

1:2 – Павел Панцэрны (Антон Кiречка, Кірыл Нікулін) 35:14

2:2 – Мікіта Осіпаў (Андрэй Міхноў, Цімафей Філін) 59:40

3:2 – Павел Дашкоў (Дзмітры Ігошын ) 62:26

Пасля матчу Дзмітрый Краўчанка:

“Хочацца заўзятараў, спартсменаў, трэнераў абедзвюх каманд павіншаваць, у першую чаргу, з добрай гульнёй. Яна была прадэманстравана з абодвух бакоў. Прашу прабачэння, што кажу і за суперніка – але гэта і ёсць гульня.

Нягледзячы на тое, што мы вялі ў ліку 2:0, галы ў нас былі створаны, так бы мовіць, на раз-два, і складана такія галы адбiць. Было шмат момантаў у Жлобіна, але, дзякуй Богу, мы спраўляліся з гэтым. У канцоўцы атрымалася так, што нас даціснулі, выраўнялі гульню на 2:2. Не магу ў гэтым абвінаваціць Ягора Сцяпанава – ён усё ж не абаронца, а нападаючы, страціў трохі з віду гульца і быў зроблены кідок з-пад яго, за якім рушыў услед гол.

У прынцыпе, гульня была добрая – напружаная, нервовая, кубкавая гульня. Не важна, хто быў супернікам, дзве каманды гулялі выдатна! Я ўдзячны камандзе, такія гульні толькі прыцягваюць заўзятараў на матчы і даюць адрэналін”.

Здымак з архіву hcneman.by