На Гарадзеншчыне за парушэнні ў будаўніцтве распачалі 27 крымінальных справаў

|

Махлярствы з коштамі фіксуюцца практычна на ўсіх правераных будаўнічых аб’ектах Гарадзеншчыны.

Часам падрадчык у змове з замоўнікам наўмысна ўносіў у акты працы, якія фактычна не выконваліся. У некаторых выпадках толькі для таго, каб “выкарыстаць” запланаваныя бюджэтныя сродкі.

 

Днямі ў Мінску раскрылі 2 фальшывыя прадпрымальніцкія структуры, якія аказвалі паслугі па продажы тавараў па завышаных коштах.

Розніцу махляры выплочвалі замоўнікам наяўнымі.

Іх паслугамі карысталіся ў тым ліку будаўнічыя арганізацыі Гарадзеншчыны. Каб знайсці вінаватых, на гэтых прадпрыемствах правядуць унутраныя расследаванні.

Акрамя таго ў Гродзенскай вобласці фіксуюцца выпадкі парушэнні ў правядзенні тэндараў на капітальны рамонт жылога фонду і ў выбары падрадчыкаў на будаўніцтва аб’ектаў.

 

У 2013 годзе 48 службоўцаў атрымалі адміністратыўнае пакаранне, 33 – дысцыплінарнае, у тым ліку 5 чалавек пазбавіліся сваіх пасад.

 

Паводле http://www.belta.by

Здымак http://www.realestate.ru