Больш за 60 магаў збяруцца на міжнародны фестываль фокуснікаў у Гродне
У першы дзень запланаваныя лекцыі, семінары, майстар-класы і конкурсная праграма для фокуснікаў-пачаткоўцаў. У другі дзень на сцэне абласнога драмтэатра пройдуць два гала-канцэрты: у 16.00 і 19.00.
Гледачы ўбачаць таямнічыя знікненні, вызваленні з кайданоў, фокусы з картамі, ментальную магію, шоў-праграму “Лазэр-мэн”.
Арганізатары фестываля – беларускае таварыства фокуснікаў “Ілюзіён” і Цэнтр культуры Гродна пры падтрымцы аддзела ідэалагічнай работы, культуры і па справах моладзі гарвыканкама.
