“Экакульт” – летні фотаконкурс для гарадзенцаў
Мэта конкурса – звярнуць увагу гарадзенцаў на асяроддзе, дзе яны жывуць, а таксама нагадаць пра экалагічныя праблемы і адказнасць кожнага за стан наваколля.
На конкурс прымаюцца фота і відэа, фотагісторыі, калажы, Instagram. Конкурс адкрыты для карыстальнікаў сацыяльных сетак і не патрабуе ад удзельнікаў складаных маніпуляцый.
Для таго, каб прыняць удзел, можна:
– загружаны на сваю старонку ў VK, Facebook, Twitter ці Instagram здымак пазначыць хэштэгам #ecogrodno або #ecocult
– загрузіць фота ці відэа ў альбом групы (https://vk.com/ecocultgrodno або https://www.facebook.com/events/1386637418249775/)
Конкурс працягваецца з 5 чэрвеня да 31 жніўня
Абвешчаныя тры намінацыі:
“Культурна жыць не забароніш: погляд на экалогію горада”
“Безкультуршчына Гродна: погляд на экалогію горада”
“Што я раблю для экалогіі Гродна?”
Фотаздымкі і відэа павінны быць выкананы аўтарам у 2013-2014 гг., у тым ліку ў перыяд правядзення конкурса. Колькасць прац не абмежаваная. Фота мусяць назву або апісанне.
Дасылаючы працу, аўтар аўтаматычна дае згоду на іх публікацыю на сайце greenbelarus.info і ў сацыяльных сетках, друк і прэзентацыю на мерапрыемствах арганізатараў у час конкурсу і пасля яго завяршэння.
Кантакты:
+375-297-830-845
