“А Іван зняў майку і кінуў яе нам”
Вось што распавядае сам Павал:
– Быў 2012 год, апошні матч сезона. Мы з дзяўчынай вельмі хацелі атрымаць майку Івана Пехi, праўда, як гэта зрабіць – мы не ведалі.
Трохі падумаўшы, вырашылі намаляваць плакат з просьбай да Івана.
Плакат напісалі на ангельскай мове, хоць, як пазней высветлілася, гулец выдатна гаворыць па-руску.
І вось набліжаецца да канца першы тайм, мы спускаемся бліжэй да ўваходу, да падтрыбуннага памяшкання і разгортваем плакат. Хтосьці з футбалістаў ўсміхаўся, гледзячы на нас, хтосьці адводзіў вочы, а Іван зняў майку і кінуў яе нам!
А на другі тайм выйшаў у новай. А мы тым часам пасля матчу падарылі Івану плакат і клубны шалік.
Пра гэта пісалі многія спартовыя выданні, вось да прыкладу вытрымка з аднаго артыкула:
– «Перапынак ажывіла пара маладых заўзятараў. Хлопец з дзяўчынай паднялі над уваходам у падтрыбуннае памяшканне плакат ў адрас Івана Пехi з просьбай падарыць ім майку. Легіянер гарадзенцаў не марудзячы ні секунды зняў майку і ўручыў яе заўзаятрам.
Яны потым растлумачылі, што Пеха – іх любімы гулец у “Нёмане”».
“Твой Стыль” вырашыў звязацца з Іванам Пехай, які зараз дома ў Славакіі. Зусім нядаўна абаронца разарваў кантракт з адным з румынскіх клубаў і зноў у пошуку працы.
– «Так, памятаю гэты цікавы выпадак. Падарыў, таму што мне вельмі спадабалася, як яны захацелі займець маю майку. Вельмі добрая ідэя з плакатам.
Той самы плакат і шалік ляжаць у мяне дома, як сувеніры. Даводзілася і раней дарыць майкі, але гэта самы выдатны спосаб займець маю майку, які застаўся ў маёй галаве назаўсёды».
29 лістапада гарадзенскі “Нёман” правядзе свой апошні матч у гэтым сезоне. Супернікам нашай каманды будзе бабруйская “Белшына “.
Напярэдадні сустрэчы гарадзенскія заўзятары зладзілі ў сацыяльных сетках кампанію #УсеНаНёман (#ВсеНаНеман).
Чытайце ў нашым праекце таксама:
ТэлеВіталь: Тады нам было 15, а зараз 44
Гісторыі гарадзенскіх заўзятараў: Валерый і падарунак ад Рэкіша