“Нёман” зноў прайграў у Маладзечне
Паглядзець на паядынак паміж «зубрамі» і дзеючымі чэмпіёнамі сабралася вялікая колькасць людзей.
Апроч заўзятараў на матчы прысутнічалі высокапастаўленыя чыноўнікі: генеральны дырэктар “Дынама-Мінск ” – Максім Субботкiн, старшыня мінскага аблвыканкаму Сямён Шапіра і памочнік Прэзідэнта па Мiнскай вобласці – Мікалай Корбут.
Гарадзенцы прыехалі ў Маладзечна ў добрым настроі. За “Нёманам” лічылася пераможная серыя ў чэмпіянаце Беларусі і перамога ў Кантынентальным Кубку.
Але на поспехі гарадзенцаў “дынамаўцы” не звярнулі ўвагу.
Ужо да пятай хвіліны “Нёман” прапусціў дзве шайбы!
Спірыдонаў вырашыў памяняць асноўнага галкіпера Саманькова на экс-дынамаўца Шэляпнёва.
Пасля змены гульня параўнялася і гарадзенцам нават атрымалася скараціць адставанне.
Але ў другім перыядзе “Нёман” прапусціў яшчэ дзве шайбы….
Выніковы лiк сустрэчы 4:1 на карысць «зуброў». У складзе пераможцаў дублем вызначыўся Станіслаў Лапачук, а таксама закінулі Раман Каскоў і Мікіта Феактыстаў. У “Нёмана” шайбай адзначыўся Даніэль Сэман.
Для гарадзенцаў “Дынама-Маладзечна” з’яўляецца вельмі нязручным супернікам. Гэтым клубам кіруе Дзмітрый Краўчанка, былы настаўнік гарадзенскага “Нёмана”.
Пасля матчу, галоўны трэнер гарадзенцаў Васіль Спірыдонаў адзначыў:
– «Аб нашай гульні многага і не скажаш. Сёння дамінавала адна каманда – гэта гаспадары. Яны разумна пабудавалі план на гульню, забілі, ну, а трэці перыяд быў фармальнасцю.
Мы гублялі шайбы ў сярэдняй зоне і атрымлівалі контратакі. Таму, вядома, камандай незадаволены.
Адзіны змякчальны фактар – шмат сіл аддалі ў Жлобіне, пераезды. Але гэта слабое суцяшэнне.
Мы сёння адыгралі вельмі кепскі матч. Тое, што мы можам паказаць і тое, што паказалі, гэта ні ў якія разы …
Прыедзем дадому, спакойна паглядзім гульню і зробім правільныя высновы. Калегу з перамогай!»
“Нёман” апусціўся на агульнае пятае месца ў турнірнай табліцы, а”Дынама-Маладзечна” працягвае займаць апошняе шостае месца ў першай падгрупе.
21 студзеня. “Дынама” (Маладзечна) – “Нёман” (Гродна) – 4: 1 (2: 1, 2: 0, 0: 0)