Куды схадзіць у Гродне ў выходныя 19-21 чэрвеня

|

БЕЛАРУСКІ АЛФАВІТ МАСТАЦТВА

Калі: з 18 чэрвеня да 20 ліпеня

У Сенатарскай зале Новага замка адкрылася выстава Музея і Асяродка Беларускай Культуры ў Гайнаўцы “Беларускі алфавіт мастацтва”. На выставе прадстаўлены жывапісныя палотны і графічныя творы, створаныя беларускімі мастакамі, якія жывуць і працуюць на Беласточчыне.

Дзе: Новы замак, вул. Замкавая, 20

 

КаНЦэРТ Гурта PORT MONE

Калі: 19 чэрвеня, 19.00

Канцэрт інструментальнага трыа з Мінску. Калектыў выкарыстоўвае сродкі розных музычных традыцый: акадэмічная музыка, мінімалізм, нойз, фольк, эксперыментальная электронная музыка.

Дзе: Тэатр лялек, вул. Дзяржынскага, 1/1

За колькі: 60 тыс., 70 тыс., 80 тыс.

 

Спектакль “Выпадковая смерць анархіста”

Калі: 19 чэрвеня, 19.00

Дзе: Драмтэатр, вул. Маставая, 35

За колькі: 60 тыс.

 

П’еса Нобелеўскага лаўрэата Дарыа Фо ўздымае пытанні адносін дзяржавы, у асаблівасці яе рэпрэсіўных структур, і звычайных грамадзян. Гэта інтэлектуальная камедыя для тых, хто хаця б трошку разбіраецца ў палітыцы. Акрамя таго варта адзначыць прывабную сцэнаграфію і касцюмы, якія выдатна ілюструюць 70-я гады мінулага стагоддзя.

 

КаНЦэРТ THE FISH DESSERT

Калі: 19 чэрвеня, 22.00

Штотыднёвы канцэрт ад кавер-бэнда The Fish Dessert.

Дзе: кафэ-клуб “Чэмпі”, вул. Антонава, 29

За колькі: уваход вольны

 

ФЕСТыВАЛЬ НяМОГа КіНО і Сучаснай МУЗЫКі “КиНЕМО”

Калі: 19, 20 і 21 чэрвеня, 22.00

Нямое кіно, жывая музыка і свежаепаветра гэта формула фестывалю “Кинемо”. У дворыку Музея гісторыі рэлігіі можна будзе пабачыць еўрапейскую, амерыканскую і савецкую чорна-белую класіку ў суправаджэнні сучаснай беларускай музыкі.

Праграма фестывалю

Дзе: Музей гісторыі рэлігіі, вул. Замкавая, 16

За колькі: 40 тыс.

 

Канцэрт BEACH BOOGIE BAND

Калі: 20 чэрвеня, 22.00

Штотыднёвы вечар хітоў рускага і замежнага року ад BEACH BOOGIE BAND.

Дзе: кафэ-клуб “Чэмпі”, вул. Антонава, 29

За колькі: уваход вольны

 

Монаспектакль “Маналог”

Калі: 21 чэрвеня, 19.00

“Маналог” – вечар песень, рамансаў і паэзіі. Гэта музычна-паэтычны аповед жанчыны пра жанчыну. Кожная песня або раманс ўяўляе сабой міні спектакль са сваім скончаным сюжэтам.

Дзе: Драмтэатр, вул. Маставая, 35

За колькі: 50 тыс.

 

Для тых, каму мала будзе “Кінемо”, наступны тыдзень рыхтуе кінапаказы міжнароднага фестывалю дакументальнага кіно пра правы чалавека DocuDays UA.

Калі: 22-25 чэрвеня у 19.00

Гісторыя Docudays UA  налічвае 12 год. Ад 2006 году фестываль – чалец Сеткі фестывалей пра правы чалавека Human RightsFilm Network (HRFN). Традыцыйна Docudays UA  адбываецца ў апошні тыдзень сакавіка ў кіеўскім Доме кіно. Пасля фільмы фестывалю вандруюць па іншых гарадах Украіны.

У другі раз дакументальнае кіно Docudays UA  прыедзе ў Гродна.

Дзе: вул. Будзёнага, 48а, кіназала Генеральнага консульства РП у Гродна

За колькі: уваход вольны