Маладажоны з Ліды бясследна зніклі ў Чорным моры
Яны прыехалі ў Анапу на 15 дзён, жылі ў невялікім дамку. У дзень трагедыі беларусы сказалі знаёмай, што пазагараюць на надзіманым матрацы на вадзе. Аднак моцны вецер іх вынес у адкрытае мора. Пошукі з верталётамі, катэрамі і вадалазамі не далі выніку, інфармуе сайт tio.by.
Ратавальнікі кажуць, што ў адкрытым моры, дзе хвалі ўздымаюцца на 3-4 метры, утрымацца на матрацы немагчыма. Шанцаў на тое, што беларусы выжылі, няма. Расследаванне па справе ўжо спынілі. Вядома, што ў маладой жанчыны засталіся дачка-падлетак і 5-гадовы сын.