Хакейны “Нёман” – як справы?
У гэтым сезоне да асноўнай каманды далучыліся новыя гульцы: Міхал Хован (Славакія), Бенжамiн Бро (Канада), Мілан Мікулік (Чэхія), Сяргей Якімовіч (Расія), Павел Куцэвіч (Беларусь), Арцём Бажко (Беларусь), Арцём Мянцюк (Беларусь), Ілля Казнадей (Беларусь). Каманда папоўнілася і гарадзенскай моладдзю – зараз тут будуць гуляць Артур Савіных, Віталь Ялоўчук, Алег Буяк і галкіпер Ілля Качко.
Многія заўзятары хочуць убачыць у справе пканадскага хакеіста Бенжамiна Бро, які не так даўно далучыўся да каманды.
У бліжэйшых планах клуба, правесці некалькі таварыскіх матчаў: 30 ліпеня з ХК “Дынама” (Масква) і матч з ХК “Ліда”, дата якога пакуль не вызначана.
Галоўны трэнер “Нёмана” Мілаш Голань ўводзіць новаўвядзенні ў трэнерскім працэсе гарадзенскай каманды:
align=”” width=”515″ height=”386″ >
Ад 7 жніўня ХК “Нёман” прыме ўдзел у гульнях Кубка Беларусі (Кубка Руслана Салея) сезона 2015-2016 гадоў.
А ўжо 21 жніўня, у рамках першага тура хакейнай Лігі Чэмпіёнаў, “Нёман” правядзе на хатняй арэне першую гульню з Adler Mannheim (Германія).
З учорашняга дня стартаваў продаж квіткоў на матчы хакейнай Лігі Чэмпіёнаў. Заўзятары “Нёмана” гэту падзею не прапусцілі. Незважаючы на тое, што касы Лядовага палаца адкрываліся з 9 гадзін раніцы, першыя жадаючыя набыць квіткі падцягнуліся яшчэ з ночы.
Кошт квіткоў залежыць ад сектара і складае ад 140 000 да 200 000 рублёў.
Многія заўзятары засмучаны такімі высокімі коштамі, таму продаж ідзе, але вялікага ажыятажу няма.
У Лядовым палацы скончылі ўстаноўку бартоў, таксама падыходзіць да канца мантаж загараджальнага шкла.
Зусім нядаўна кіраўніцтва гарадзенскай каманды прадставіла новы аўтобус і новую форму:
Таксама напярэдадні правядзення ў Гродне гульняў хакейнай Лігі Чэмпіёнаў і чарговага чэмпіянату Беларусі па хакею, гораду нагадваюць аб леташніх перамогах каманды.
Здымкі Руслана Кулевіча і з групы ХК “Нёман” ВКонтакте.