Як абараніцца ад свінога грыпу

|

Мы звярнуліся да ўрачоў-эпідэміёлагаў з просьбай распавесці аб сімптомах гэтага новага захворвання і спосабах, як ад яго ўсцерагчыся.

Мяса есці?

 

Тым, у каго яно ёсць – есць, але не забываць аб яго тэрмічнай апрацоўцы. Майце на ўвазе, што тэмпература цеплавой апрацоўкі і ўнутраная тэмпература мяса адрозніваюцца. І чым больш кавалак, тым большая гэтая розніца, да прыкладу, пры апрацоўцы кілаграмовага кавалка пры тэмпературы 200 градусаў па Цэльсіі ўнутраная тэмпература свініны будзе складаць усяго 65-70 градусаў.

 

Межы на замок?

 

Сусветная арганізацыя аховы здароўя сцвярджае, што рабіць гэтага не варта. Гэтак жа, як і абмяжоўваць сябе ў паездках. На дадзены момант асноўная праца медыкаў накіраваная на абмежаванне распаўсюджвання захворвання шляхам аказання кваліфікаванай дапамогі, а не на абмежаванне перамяшчэння людзей з краіны ў краіну. Не рэкамендуецца здзяйсняць паездкі людзям з якімі-небудзь хранічнымі захворваннямі.

 

Знаёмыя з дзяцінства правілы

 

Для таго каб знізіць рызыку захворвання свіным грыпам не абавязкова жменямі глытаць таблеткі. Аднак не варта забываць, што свіны грып – гэта адзіны са шматлікіх відаў вірусаў грыпу і механізм заражэння прыкладна аднолькавы для ўсіх тыпаў. Грып перадаецца паветрана-кропельным шляхам ад свінні да чалавека і ад чалавека да чалавека. Адсюль не складана зрабіць выснову, у адпаведнасці з якой досыць выконваць элементарныя правілы гігіены, каб мінімізаваць рызыку захворвання:

– Мыць рукі з мылам.

– Без патрэбы не дапушчаць кантакту рук з тварам.

– Рэгулярна праветрываць працоўныя і жылыя памяшканні.

– У месцах натоўпу людзей і ў грамадскім транспарце імкніцеся пазбягаць людзей з рознымі недамаганнямі. Адрозніць хворага чалавека ад здаровага не складана: калі вы бачыце, што ў чалавека слязяцца вочы, ён бледны або, наадварот, на твары нядужая чырвань, чыхае і кашляе, шморгае носам, то ў вашых інтарэсах трымацца ад яго далей.

– Пастарайцеся скараціць спажыванне алкаголю і нікаціну.

– Рэгулярна прымайце вітаміны і ўжывайце багатую вітамінамі і фітанцыдамі ежу: часнык, цыбулю, хрэн і інш.

 

P.S. На розных інфармацыйных сайтах мы знайшлі інфармацыю аб тым, што асноўнай групай рызыкі з’яўляюцца маладыя людзі ва ўзросце ад 12 да 17 гадоў. У апошні час з’явіліся здагадкі, што адным з фактараў рызыкі з’яўляецца атлусценне. Аднак Інтэрнэт – не лепшы дарадца ў пытаннях здароўя. Надзейней – участковы ўрач.

Ілюстрацыя digest-news.ru