Пяць фактаў пра затрыманага КДБ гарадзенскага топ-бізнесоўца Паўлоўскага
30 кастрычніка Паўлоўскі быў пазбаўлены парламенцкага статуса недатыкальнасці і, як паведаміў tut.by, затрыманы КДБ.
Як вынікае з паведамлення, затрыманне звязана з камерцыйнай дзейнасцю бізнесмена, які лічыцца адным з самых паспяховых прадпрыймальнікаў на Гарадзеншчыне (другое месца ў рэйтынгу за 2014 г.).
ПЯЦЬ ФАКТАЎ ПРА Андрэя Паўлоўскага:
1. Нарадзіўся ў 1967 г. у Пінску, скончыў Ваенна-медыцынскую акадэмію імя Сяргея Кірава ў Санкт-Пецярбурзе. Працоўную дзейнасць пачынаў у якасці старэйшага лабаранта кафедры акушэрства і гінекалогии гарадзенскага медуніверсітэта.
2. Свой бізнес пачаў у 90-я з распаўсюджання ветэрынарных сродкаў і біядадаткаў («Биоком Агро»). У 2000-х інвеставаў у стварэнне “Біякома”, а таксама вытворчасць даільных робатаў «Биоком Технология», уклаў грошы ў ваўкавыскі «Беллакт», Шчучынскі масласырзавод і «Агракамбінат «Скідзельскі».
У 2009 г. “Біякам Тэхналогія” выпусціла свае першыя даільныя робаты.
3. У ліпені мінулага года заняў шостае месца ў рэйтынгу самых паспяховых бізнесменаў краіны. Паводле інфармацыі ej.by, асноўная кампанія Паўлоўскага – “Біякам” атрымала ў першым квартале 15 543 млн чыстага прыбытку, а “Беллакт” і “Шчучынскі МСЗ”, у якіх структуры Паўлоўскага маюць мінарытарную долю, зарабілі, адпаведна, 26 097 млн і 25 913 млн рублёў. А вось “Агракамбінат “Скідзельскі” скончыў той квартал са стратай у 26 560 млн рублёў.
4. У 2015 г. Паўлоўскі планаваў адчыніць завод па вытворчасці сыраваткі ў Шчучынскім раёне (памер інвестыцый – 50 млн. еўра, плануецца адчыніць да канца 2015 г.) і завод па вытворчасці прадуктаў дзіцячага харчавання ў Нясвіжы (памер інвестыцый – 60 млн. еўра).
5. У 2012 г. увайшоў у склад нацыянальнай Рады па развіцці прадпрымальніцтва. З гэтага ж года з’яўляецца членам Савета Рэспублікі Нацыянальнага сходу Рэспублікі Беларусь. Прадпрыемствы Паўлоўскага спансаравалі хакейны “Нёман” (у 2013 г. выдаткавана 500 тыс. даляраў), Праваслаўную Духоўную семінарыю ў Жыровічах.
Сёлета гэта ўжо другое рэзананснае затраманне топ-бізнесменаў рэгіёна.
У лютым КДБ затрымаў па падазрэнні ў атрыманні ценявых даходаў з наступным вывадам сродкаў за межы краіны і нявыплаце падаткаў у асабліва буйным памеры ўладальніка кампаніі “ЗОВ” Алега Зухавіцкага.
На волю ён выйшаў у траўні пасля таго, як панесеныя дзяржавай страты на суму 31,4 млрд рублёў былі кампенсаваныя.
Чытайце таксама:
Топ-бізнесоўцы Гарадзеншчыны: хто яны?
Фота: Вольга Лойка, tut.by