Navi ў “Тапазе”, мюзікл у кірсе, Сільвановіч у кавярні. Куды пайсці ў Гродне ў выходныя 5-6 снежня

Navi ў “Тапазе”, мюзікл у кірсе, Сільвановіч у кавярні. Куды пайсці ў Гродне ў выходныя 5-6 снежня

“Beautiful Vision” у “Кубе”

 

Вечар кактэйляў і музыкальных кружэлак для тых, хто хоча на час забыцца на зіму.

 

Калі: 4 снежня, увечары

Дзе: бар “Куба”, вул. Калючынская, 12

За колькі: за так

 

Тэатральная пятніца ў “Краме Ц”

 

Кожную пятніцу на вялікім экране паказваюць цікавыя сучасныя і старыя пастаноўкі. Гэтым разам аб’ект абмеркавання – спектакля Эймунтаса Някрошуса “Пары года”.

Калі: 4 снежня, 20.00

Дзе: Крама “Ц”, вул. Вялікая Траецкая, 16

За колькі: за так

 

Свята для дзяцей “Паход за елкай у казачны лес”

 

Дзеці з бацькамі і Снягуркай пойдуць у казачнае падарожжа ў пошуках святочнай ёлкі. Па дарозе ім будуць перашкаджаць казачныя персанажы, а дзеці будуць праходзіць квэсты, каб даведацца, дзе схаваная елка.

 

Калі: 5 снежня, 12.00, 15.00, 6 снежня, 12.00

Дзе: Гарадзенскі маёнтак “Каробчыцы”

За колькі: уваход у маёнтак – 40 тыс для дарослых, 20 тыс для дзяцей

 

Сацыяльны мюзікл “Я – мы”

 

Гродзенскі дзіцячы хоспіс другі год запар ставіць мюзікл. Першая спроба – “Брыдкае качаня” – сабрала ў 2014 годзе больш за 200 гледачоў. Гэтым разам зменяцца акцёры, дэкарацыі і песні, але тэмы застаюцца тыя ж: развагі пра бар’еры, якія існуюць у грамадстве, развіццё унутраных талентаў кожнага і надзея знайсці сяброў.

 

Калі: 5 снежня, 14.00

Дзе: Лютэранская кірха, вул. Акадэмічная, 7а

За колькі: бясплатна

 

Канцэрт гурта Navi

 

Музыкі, што скарылі Басовішча, а зараз спрабуюць патрапіць на Еўрабачанне, прывязуць новую праграму “Абдымі мяне” і разыграюць на канцэрце спецыяльны прыз.

 

Калі: 5 снежня, 18.00

Дзе: рэстаран “Тапаз”, вул. Гагарына, 41

За колькі: 60-90 тыс.

 

Вечар лацінскай музыкі

 

Музыку прадставяць ансамбль “Amalgama” і салістка Ірына Сахарава. У праграме прагучаць творы А. Piazzolla, R.Galliano, A.C. Jobim, G. Gershwin, Darius Milhaud.

 

Калі: 5 снежня, 18.00

Дзе: Новы замак, вул. Замкавая, 20

За колькі: 50 тыс.

 

Масавыя катанні на каньках

 

На двары пакуль дождж, але аматары канькоў могуць пакатацца ў Лядовым палацы.

 

Калі: 5 снежня, 19.00, 20.30, 6 снежня, 18.30, 20.00

Дзе: Лядовы палац, вул. Камунальная, 3а

За колькі: дзіцячы – 15 тыс., дарослы – 30 тыс. пракат канькоў – 15 тыс.

 

Спектакль “Боінг-Боінг”

 

П’еса ўвайшла ў Кнігу рэкордаў Гінэсу, бо яе паставілі ў 60 краінах. Гэта камедыя пра раман французскага лавеласа з трыма сцюардэсамі. Яны працуюць на розных авіялініях, і жаніх падстройвае сваё жыццё пад прылёт кожнай з нявест.

 

Калі: 5 снежня, 19.00

Дзе: Драмтэатр, вул. Маставая, 35

За колькі: 60 тыс.

 

Спектакль “Гатэль “Залатое руно”

 

П’еса расказвае пра сціплую дзяўчыну Молі – горнічную гатэля. Раптам яна атрымлівае спадчыну ад дзядзькі. Там столькі грошай, што яны могуць змяніць эканамічную сітуацыю краіны і нават свету. П’еса раней не перакладалася на рускую мову.

 

Калі: 6 снежня, 19.00

Дзе: Драмтэатр, вул. Маставая, 35

За колькі: 55-60 тыс.

 

Выстава-продаж прац Аляксандра Сільвановіча “Пра неба”

 

Карціны ўжо пабывалі ў розных гарадах, але ўпершыню яны прадстаўлены ў выглядзе экспазіцыі ў кавярні.

 

Калі: штодзённа да 31 снежня, 10.00-22.00

Дзе: крама-кавярня “Проста кава”, вул. Замкавая, 18