Каля Дома Мураўёва будаўнікі прыбяруць плот: тралейбусны прыпынак можа вярнуцца на старое месца

Што будзе з Домам Мураўёва і суседнім будынкам рабочыя не ведаюць, прапануючы пагутарыць з бізнесменам Станіславам Сямашкам, які цяпер з’яўляецца ўладальнікам будынка па вул. Калючынскай, 23. Будынак даўно пустуе, у 2012 годзе там здарыўся пажар, прычынай якога быў падпал. Раней дом планавалі знесці і пабудаваць на яго месцы аўтастаянку.


– Мы не будзем нічога зносіць. Нам патэлефанавалі з гарвыканкаму і сказалі вывезці смецце з тэрыторыі, а таксама прыбраць плот. Кажуць, мала месца людзям на прыпынку. Магчыма, што і  сам прыпынак вернецца на старое месца, – распавёў будаўнік Сяргей.

align=”” width=”725″ height=”544″ >

Старыя дзверы таксама апынуліся смеццем. Але будаўнікі не спяшаліся іх вывозіць.

У гарвыканкаме ад каментароў адмовіліся, спаслаўшыся на тое, што нічога не ведаюць. Тралейбуснае ўпраўленне таксама не ведае нічога пра магчымае пашырэнне прыпынку.

 

Не так даўно ў інтэрнэце з’явіўся пералік інвестыцыйных пляцовак, якія ў бліжэйшым часе гарадскія ўлады хочуць паказаць патэнцыйным пакупнікам. Сярод дзясяткаў гектараў пустыроў асаблівую ўвагу грамадскасці звярнула на сябе пляцоўка на вуліцы Калючынскай насупраць турмы. Там плануецца збудаваць гасцінічны комплекс.

 

Парады мэру: чаму нельга будаваць гасцініцу насупраць турмы і як правільна прадаць гэты ўчастак інвестару