Лёд на азёрах растае, але рыбакі не спыняюцца. Як не праваліцца ў ваду на зімовай рыбалцы?

|

Небяспека зімовай рыбалкі па апошнім лёдзе, у адрозненне ад першага, у тым, што лёд друзлы і меней трывалы. Першы лёд таўшчынёй у 10 сантыметраў вытрымлівае большую нагрузку, чым апошні паўмятровы, які набраў шмат вады.

 

Пад Гродна рыбак праваліўся пад лёд

 

Лёд у прыбярэжнай зоне паступова ператвараецца ў кашу і знікае. З’яўляюцца прамыіны ў месцах нават слабай плыні. Небяспечныя ўчасткі вадаёмаў, якія заняты хмызняком, чаротам – у такіх месцах лёд друзлы і нетрывалы. Інтэнсіўна растае лёд на ўчастках, залітых талымі водамі.

 

Холад – небяспечны вораг. Сонца прыгравае і многія рыбаловы робяцца бестурботнымі і адмаўляюцца ад цёплай адзежы. Гэта прыводзіць да абмаражэнняў і пераахаладжэнняў.

 

Алкаголь у любых дозах і ў любой форме непажаданы на зімовай рыбалцы. Ён падтуплівае адчуванне холаду, зніжае пільнасць рыбалова. Лепшым варыянтам “для сугрэву” будзе гарачы чай ці кава.

 

Вось некалькі простых правіл па бяспецы:

 

– не выходзіць на лёд абы-дзе, а рабіць гэта ў правераным месцы

– агледзець і прыкінуць, як можа змяніцца абстаноўка на працягу цёплага дня

– не прабіваць побач шмат лунак

– не збірацца вялікімі групамі на адным месцы

– не прабіваць лункі на пераправах

– не лавіць рыбу ў прамыіна

– мець заўсёды пад рукой трывалую доўгую вяроўку

– намеціць яшчэ з берага свой ​​маршрут

– узяць з сабой моцную палку-пешню для праверкі трываласці лёду

– калі пасля першага ўдару пешні на лёдзе з’яўляецца вада – неадкладна ісці назад

– абавязкова трэба, каб побач быў хтосьці, хто змог бы прыйсці вам на дапамогу, калі лёд раптам пачне правальвацца пад вашымі нагамі