Віцебск едзе ў Гродна. У Доме46 пакажуць фільм-пераможцу Bulbamovie-2015 (а яшчэ будуць канцэрт, выстава і не толькі)
7 мая
19.00 – адкрыццё выставы “Выходны” мастачкі Томы Пракоф’евай (Віцебск)
20.00 – канцэрт віцебскага гурта “Сны Оппоссума”. На разагрэве гарадзенскі праект “Вочы”
8 мая
14.00-16.00 – майстар-класы па партнерынгу ад актора Віцебскага тэатра лялек і танцоўшчыка Сяргея Толкача
16.00-18.00 – майстар-класы па акторскім майстэрстве ад Сяргея Толкача
19.00 – паказ фільма “Адной крыві” і лекцыя-размова з Сяргеем Толкачам, выканаўцам галоўнай ролі.
Стужка атрымала гран-пры Венскага кінафестывалю “Lets Cee”, гран-пры і прыз глядацкіх сімпатый фестывалю Bulbamovie, а таксама званне лепшага дэбюта фестывалю Alter-Native у Румыніі. Агулам фільм мае ўжо сем прызоў, яго паказвалі ў Аўстрыі, Эстоніі, ЗША, Канадзе, Італіі, Іспаніі, Іране, Беларусі, Расіі, Украіне і іншых краінах.
20.00 – касмічная піжамная вечарына – музычны сэт ад каманды ВV, начны прагляд кіно і бітва падушкамі.