“Гарадзенская начная дзесятка” запрашае прабегчыся ў цемры
Для ўдзельнікаў спаборніцтва і заўзятараў будзе арганізаваны даезд на трасу. Аўтобусы будуць адпраўляцца:
– ад аўтавакзала да “Каробчыцкага Алімпа” ў 18.00 і 20.30 з прыпынкамі на плошчы Савецкай і вул. Гарнавых;
– ад “Каробчыцкага Алімпа” да аўтавакзала ў 01.00 і 02.00.
Траса забега праходзіць па схілах для горных лыжаў. Можна выбраць для удзелу адзін з трох прапанаваных варыянтаў працягласці – 3333м, 6666м, 9999м.
Папярэдняя анлайн рэгістрацыя на прабег ужо скончана, але ёсць магчымасць зарэгістравацца непасрэдна ў дзень спаборніцтваў, 23 ліпеня, ад 18.00 да 22.00 гадзін. Сума грашовага ўнёску складае 10, 15 ці 20 (дэнамінаваных) рублёў, у залежнасці ад працягласці дыстанцыі. У выпадку аплаты перад стартам яна павялічваецца на 50%.
Добрая навіна ёсць для тых, чый дзень народжання супадае з забегам (23 і 24.07). Для гэтых удзельнікаў кошт унёску напалову меншы.
Урачыстае адкрыццё прабега адбудзецца ў 22.50,
Агульны старт – ў 23.00
Узнагароджанне – ў 0.00.
Кожнага, хто дойдзе да фініша, чакае памятны медаль “Гродзенскай начной дзесяткі”. Пераможцы атрымаюць грашовыя прызы ў памеры ад 25 да 100 рублёў.