Дом на кватэру не мяняю

Сёння па вуліцы Гарнавых актыўна ідзе знос старых дамоў для ўпарадкавання і пашырэння шашы. І толькі два дамы пад нумарамі 57 і 59 засталіся некранутымі.

Гаспадарамі гэтых дамоў з’яўляецца адна сям’я.

– Мы чакаем, пакуль нам пабудуюць дамы, бо ад кватэры мы адмовіліся – кажа адна з гаспадынь Гражына Аксень.

– Я ў 1979 годзе ажанілася, прыйшла ў гэту хату і ўжо ў той час нельга было не прапісвацца, не рамантаваць, бо дамы ішлі пад знос. Так 30 год пражылі.

– Мне за 75 квадратных метраў прапанавалі двухпакаёвую кватэру. Астатнім добра, ў іх пасляваенныя дамы з маленечкімі пакойчыкамі.

Калі прышлі да мяне, я сказала, што люблю свой дом, і калі ён перашкаджае, могуць яго перанесьці. Але высвятлілася, што ў іх няма такіх спецыялістаў – кажа гаспадыня другога дому Леакадыя Аксель.

– Зараз ужо ўчасткі далі на Палестыне для пабудовы хат, будзем чакаць, пакуль пабудуюць.

Жанчыны кажуць, што іхнія суседзі засталіся задаволеныя атрыманым.

Ім былі дадзеныя кватэры на  Дзевятоўцы і Солах.