Майкл Скэнлан у Гродна адкрые выставу “Амерыка вачыма беларусаў”
Як паведамілі ў прэс-службе Гродзенскага аблвыканкама, Майкл Скэнлан будзе прысутнічаць на адкрыцці фотавыставы “Амерыка вачыма беларусаў”:
– Пасольствам ЗША у Беларусі быў абвешчаны фотаконкурс на лепшыя здымкі пра Амерыку. Усяго даслалі 260 прац, выніковая выстава змяшчае 40 здымкаў, – распавяла “Твайму Стылю” загадчыца аддзелам выданняў на замежных мовах Гродзенскай абласной бібліятэкі імя Карскага Ларыса Лотыш. – Выстава ладзілася ў Нацыянальнай бібліятэцы ў Мінску, Гомелі, Маладзечна і яшчэ шэрагу беларускіх гарадоў. Зараз выставу прымаем мы. Спадар Скэнлан таксама прэзентуе кнігі на англійскай мове, якія падарыў бібліятэцы Інфармацыйны цэнтр Пасольства ЗША ў Беларусі.
Адкрыццё фотавыставы адбудзецца 21 студзеня ў 15 гадзін ў доміку Элізы Ажэшка – філіяле абласной бібліятэкі Карскага.
Ці запланаваныя іншыя сустрэчы Майкла Скэнлана ў Гродна, пакуль невядома. Гэта не першы візіт у Гродна часова паверанага ў справах ЗША у Беларусі.
Здымак з www.nv-online.info