Купалаўскі ўніверсітэт пачаў адлічваць за падзеі 19 снежня?

|

Цягам месяца Барыс Захарчук двойчы выклікаўся на допыт ва ўпраўленне камітэта дзяржаўнай бяспекі па Гродзенскай вобласці. Апроч таго, на кватэры, дзе ён пражывае, супрацоўнікі КДБ ажыццявілі ператрус і канфіскавалі сістэмны блок кампутара. Сваё адлічэнне з універсітэта і пераслед з боку спецслужбаў юнак звязвае з тым, што прымаў удзел у акцыі 19 снежня:

 

У мяне такога ніколі не было, каб я не здаў тры іспыты: неяк усё рэзка пайшло на спад, я лічу, што гэта не проста так, – усё узаемазвязана.

 

Пад пагрозай адлічэння знаходзіцца і студэнт другога курса фізіка-тэхнічнага факультэта Яўген Бусько, які адбыў 15 сутак адміністрацыйнага арышту за ўдзел у акцыі пратэсту 19 снежня. Падчас апошняй сесіі ён не здаў 2 іспыты і лічыць, што захады адміністрацыі накіраваныя на тое, каб выключыць яго з навучальнай установы:

 

Калі я прыехаў, усе выкладчыкі ўжо глядзелі можа не як на ворага народа, але неяк дзіўна. Было бачна, што яны выконваюць загад, які паступіў. Потым праз сваіх сяброў я даведаўся, што мае дакументы ляжалі у рэктараце ўжо 20 снежня.

 

Радыё Рацыя