Забойца гродзенскай студэнткі атрымаў 24 гады турмы
Мужчына з асаблівай жорсткасцю забіў дзяўчыну, скраў яе мабільны тэлефон і залаты пярсцёнак.
Цела 23-гадовай студэнткі ГрДзУ імя Янкі Купалы было знойдзена на беразе Росі непадалёк ад Ваўкавыску ў чэрвені.
Дзяўчына прыехала з Гродна да бацькоў і накіравалася на лецішча сабраць клубніцы.
Па дарозе, у невялікім лясочку, на яе напаў забойца: на два гады маладзейшы за сваю ахвяру хлопец жыў на бацькоўскім лецішчы непадалёк.
У міліцыю аб знікненні дзяўчыны паведаміла яе маці.
Забітую знайшлі праз дзень з шматлікімі пашкоджаннямі.
Факт згвалтавання дзяўчыны ў судзе не быў даказаны.
Скрадзеныя рэчы забойца прадаў.
Дзяржаўны абвінаваўца патрабаваў для раней судзіміга злачынцы, які збіваў і душыў дзяўчыну, пакуль тая не памерла, пажыццёвага зняволення.
Паводле http://vgr.by