Заўтра гродзенцы папрацуюць на карысць дзяцей
Гродзенцы, якія не будуць працаваць на сваіх звычайных працоўных месцах, зоймуцца ўпарадкаваннем тэрыторыі дзіцячага дома, бальніцы, новай школы на Вішняўцы, лесапаркаў у Пышках і Румлёва.
У планах упарадкаваць больш за паўтары тысячы гектараў.
Жыхары вобласці заўтра зоймуцца зборам смецця па берагах азёр і рэк, упарадкаваннем могілак, тэрыторый водазабораў.
На дапамогу вяскоўцам накіруюцца супрацоўнікі некаторых гродзенскіх прадпрыемстваў і ўстановаў.
Напрыклад, супрацоўнікі Гродзенскага райвыканкама папрацуюць у садзе СПК “Гожа”.
У мінулым годзе заробленыя працаўнікамі Гродзенскай вобласці на суботніку сродкі накіроўваліся на рамонт і рэканструкцыю вайсковых мемарыялаў і помнікаў, падрыхтоўку дзіцячых летнікаў да сезона і на развіццё аграгарадкоў.