“Гроднаграмадзянпраект” прапануе змяніць графік працы гродзенскіх прадпрыемстваў
З-за памылкі пры распрацоўцы схемы развіцця гарадскога транспарта і вулічнай сеткі горада, развіццё магістральнай сеткі Гродна значна адстае ад узроўня аўтамабілізацыі горада.
Ужо ў 2009 годзе колькасць аўтамабіляў у Гродне дасягнула паказчыкаў, запланаваных на 2020 год. Сёння на 1000 жыхароў у горадзе налічваецца 380 аўтамабіляў.
Каля 40% пасажыраў грамадскага транспарта – школьнікі і студэнты, таму, каб пазбегнуць затораў у ранішнюю гадзіну пік з 7.00 да 8.30 з 1 верасня некаторыя школы і факультэты ГрДзУ імя Янкі Купалы перанеслі пачатак заняткаў на 8.30.
Але праблему гэта не вырашае.
Працоўная камісія прапанавала змяніць час пачатку працоўнай змены на 33 гродзенскіх прадпрыемствах і арганізацыях, перанесшы пачатак працы на 7.00, 7.30, 8.30 альбо 9.00.
Гэтыя змены могуць закрануць каля 22 тысяч гродзенцаў.
На тралейбусных маршрутах найбольш напружаны рух на кавалках:
№3 – БЛК– цэнтр занятасці,
№4 – гасцініца «Турыст» –«Белкард»
№10 – плошча Дзекабрыстаў –«Радыёхваля»
№11 – вуліца Брыкеля – цэнтр занятасці
№12 – гасцініца «Турыст» – Фарты.
Сярод аўтобусных маршрутаў асабліва перагружанымі лічацца №18, 16, 2, 15, 20, 24, 34, 4.
Заторы ўтвараюцца на пад’ездзе да чыгуначнага і аўтавакзала, тэатра лялек, цэнтра занятасці і на выездзе з спальных раёнаў.
Сярод прапановаў “Гроднаграмадзянпраекта” – рабіць пасажырскія маршруты транспарта карацейшымі, абсталяваць разваротныя пляцоўкі ў мікрараёнах, больш перасадачных пунктаў.
На вуліцах Ліможа-Белыя Росы неабходна ўсталяваць светлафоры, на пр.Кляцкова пабудаваць 2 надземных перахода, на перакрыжаванні пр.Янкі Купалы і Кляцкова – транспартную развязку.
Вялікія надзеі ўскладаюцца на паўднёва-заходняе (будзе ўведзена ў канцы года) і паўночна-усходняе (увод у сярэдзіне 2012 года) паўколы.
Ёсць прапановы вярнуцца да яшчэ савецкай практыкі завозіць будаўнічыя грузы на аб’екты ў вечаровы і начны час.
Інстытут настойвае пасля будаўніцтва кальцавых развязак і пуцеправодаў працягнуць пр. Будаўнікоў да маста па вул.Паповіча, пашырыць і выпрастаць вуліцу Каліноўскага, рэканструяваць вуліцу Дзяржынскага ад пл.Тызенгаўза па перакрыжавання з вул.Астроўскага з стварэннем парковак і стаянак.
Вуліца Ліможа патрабуе пашырэння да 4 палос альбо працягу Курчатава ад Дзяржынскага да Ліможа.
Рэканструкцыі чакае вуліца Перамогі, вуліца Будзёнага. Пасля гэтага будзе вырашацца пытанне з працягам вуліцы Падгорнай да развязкі з Будзёнага і будаўніцтва дублёра вуліцы Вялікай Траецкай.
Паводле http://grodnonews.by
Фота з сайта http://kp.by