Навукоўцы-эколагі сустракаюцца ў Гродне
Такая сустрэча ладзіцца ў нашым горадзе ўжо восьмы раз.
Па словах арганізатараў канферэнцыя – гэта добрая магчымасць для абмену поглядамі, параўнання і суаднясення накірункаў экалагічнага руху ў нашай краіне з агульнасусветнымі тэндэнцыямі, а таксама – устанаўлення новых абшараў супрацоўніцтва.
Адна з мэтаў мерапрыемства – заахвочванне людзей да неабыякавасці ў адносінах да навакольнага асяроддзя, выпрацоўка аптымальнага балансу паміж чалавекам і прыродай.
Канферэнцыя арганізаваная факультэтам біялогіі і экалогіі Гродзенскага дзяржаўнага ўніверсітэта імя Янкі Купалы і Універсітэтам з г. Лодзі. Мерапрыемства прысвечана 225-годдзю Канстанціна Тызенгаўза (1786-1853), вядомага навукоўца-арнітолага.