Абвешчаны конкурс на стварэнне помніка князю Міндоўгу ў Наваградку
Мэта конкурса – пошук найбольш выразнага вобраза легендарнага князя.
Кампазіцыйнае і пластычнае вырашэнне помніка павінны быць вытрыманы ў лепшых традыцыях класічнага і нацыянальнага манументальнага мастацтва.
Да ўдзелу ў конкурсе запрашаюцца прафесійныя скульптары.
Заяўкі прымаюцца да 10 лютага 2012 года. Матэрыялы павінны быць прадстаўлены ў галерэі Беларускай дзяржаўнай акадэміі мастацтваў.
Журы разгледзіць праекты да 1 сакавіка.
Пераможца атрымае права на стварэнне помніка князю Міндоўгу ў Наваградку.
На рэспубліканскім узроўні працягваецца і конкурс на выраб помніка Максіму Багдановічу, які плануецца ўсталяваць у Гродне.
Камісія, якая напярэдадні 120-ай гадавіны з дня нараджэння паэта збіралася падсумаваць вынікі конкурса, прыйшла да высновы, што матэрыялы, прадстаўленыя на разгляд, па сваім змесце не змаглі выразіць глыбіню творчай асобы класіка беларускай літаратуры.
Выява князя Міндоўга з сайта http://jivebelarus.net