Гродна – каралеўскі горад. Круглы стол у гродзенскай бібліятэцы
Паведамленне кіраўніка клуба Дзмітрыя Думчава пра рыцарскую зброю і вопратку ў XIII-XIV стагоддзях і распачало асноўную праграму круглага стала.
Чаму Гродна лічыцца каралеўскім горадам? На гэтае пытанне адказала дацэнт Гродзенскага дзяржаўнага ўніверсітэта імя Я. Купалы Альбіна Семянчук. Пра соймы ў Гродне ішла гаворка ў выступленні дацэнта ГрДУ Віктара Белазаровіча. Дзьве гравюры XVIст., на якіх адлюстраваны наш горад, натхнілі дацэнта Гродзенскага ўніверсітэта Наталлю Івашчанка на эмацыйны і падрабязны расказ. Прафесар Аляксей Пяткевіч назваў імёны дваццаці выбітных людзей Гродзеншчыны розных часоў. Сярод іх – Давыд Гарадзенскі, Максім Багдановіч, Васіль Быкаў і іншыя.
Краязнаўца з Ліды Леанід Лаўрэш падзяліўся сваімі даследваннямі што да месца заключэння Востраўскага пагаднення.
Дзейнасць гродзенскага мецэната Богуша Благавіцінавіча зацікавіла студэнта-гісторыка Сяргея Лысікава. Сваю версію смерці Барбары Радзівіл выказаў студэнт філфака Валерый Бялы. Малавядомыя факты дзейнасці ў Вялікім княстве Літоўскім францішканскага ордэна асвятліў доктар тэалогіі айцец Юзэф Макарчык. Пра гісторыю каталіцкіх манаскіх ордэнаў у ВКЛ зрабіў паведамленне намеснік дырэктара Гродзенскага дзяржаўнага музея гісторыі рэлігіі Ігар Ганчарук. Доктар гістарычных навук Святлана Куль-Сяльверстава распавяла як у часы ВКЛ на Гарадзеншчыне ставіліся да этнаканфесійных меньшасцяў.
Завершыў круглы стол выступ дацэнта ГрДУ Сяргея Амелькі “Мецэнацтва і фундатарства ў Вялікім княстве Літоўскім у XIV-XVIстагоддзях”. Выкладчык прадэманстраваў копіі ўнікальных дакументаў, якія адшукаў у архіве.
У якасці культурнай праграмы ўдзельнікі круглага стала змаглі паназіраць за рыцарскім паядынкам у дворыку Новага замка.
align=”” alt=”Image 22840″ >