Здымкі з Гродна трапілі на выставу ў Брно

Здымкі з Гродна трапілі на выставу ў Брно

У гэтым годзе, калі не лічыць ужо больш мінчука чым гарадзенца Андрэя Лянкевіча, прызавое месца заняў гарадзенскі фатограф Андрэй Ветраў. Ён перамог у катэгорыі «Мастацтва і забавы» са здымкам з танцавальнага фестываля «Стыль-Dance».

Цікавай падалася серыя здымкаў Вячаслава Цуранава («На страже»), у якую ўваходзяць фотаздымкі зробленыя ў гарадзенскай турме. Аўтар заняў трэцяе месца ў катэгорыі «Партрэт».

Пасля Брна выстава наведае Кракаў – адкрыццё адбудзецца 7 лістапада ў Ягелонскай Бібліятэцы.

Вынікі конкурса былі падведзены ў маі гэтага года. У Беларусі адбылася толькі адна выстава ў прыватнай галерэі «Ў», аднак працы, прызнаныя міжнародным журы лепшымі, можна паглядзець на сайце конкурса.

У Гродна арганізатары маюць намер прывезці выставу ў снежні гэтага года. Разам з фотаздымкамі гарадзенцы змогуць убачыць вынікі мультымедыйнага конкурса, абвешчанага ў гэтым месяцы.