15 снежня абвешчаны “Днём без алкаголю”
Кіраўнікі адміністацый Кастрычніцкага і Ленінскага раёнаў Гродна накіравалі лісты кіраўнікам гродзенскіх прадпрыемстваў з заклікам далучыцца да акцыі і не прадаваць 15 снежня алкагольныя напоі.
Замест гэтага гарадзенцаў запрашаюць на спартовыя і культурныя мерапрыемствы.
У Румлёве і Ласосне ў гэты дзень плануецца масавае катанне на лыжах, якія будуць бясплатна выдавацца ўсім ахвотным.
У спартовай зале па вул.Урублеўскага, 92 адбудзецца гульня XXI Чэмпіянату Беларусі па баскетболе (мужчыны, дубль); у СТК “Вікторыя” (вул.Гагарына,18/1) пройдзе XXII Чэмпіянат Беларусі па валейболе(мужчыны, вышэйшая ліга).
У абласным драмтэатры на 15 снежня запланаваны канцэрт “Музыка вялікіх гарадоў”, а ў Цэнтры культуры (Ажэшкі, 30) – рок-канцэрт.
Напярэдадні, 14 снежня, Цэнтр сацыяльнага абслугоўвання Кастрычніцкага раёна Гродна прапануе псіхалагічную дапамогу людзям, схільным да ўжывання алкагольнымі напоямі.
Акцыя “Прафілактыка і ТЫ!” ладзіцца для “павышэння культурнага ўзроўню насельніцтва, фармавання ўсвядомленых законапаслухмяных паводзін”.
Дзеля дасягнення мэтаў акцыі, да ўдзелу ў мерапрыемствах плануецца прыцягнуць спартоўцаў, дзеячоў культуры і навукі, прадстаўнікоў рэлігійных арганізацый, грамадскіх аб’яднанняў, арганізаваць бясплатнае “кадзіраванне” ад алкагольнай залежнасці.
Акцыя ладзіцца па ініцыятыве МУС, міністэрстваў аховы здароўя, спорту і турызму, культуры,працы і сацыяльнай абароны.
На сёння на наркалагічным уліку ў Беларусі стаіць больш за 190 тысяч хранічных алкаголікаў.
Паводле http://grodno.gov.by , http://uvd.grodno.by
Здымак http://2queens.ru