Падлічваюць страты пацярпелых ад прарыву цеплатрасы ў Гродне

|

Складзены 7 актаў абследавання домаўладанняў па вуліцы Татарскай, паводле якіх будзе вызначаны памер кампенсацыі.

Абследаваны 4 зямельных участка, на якіх знаходзіцца па некалькі домаўладанняў, як зарэгістраваных, так і не аформленых належным чынам.

 

Спосаб пакрыцця стратаў у кожным канкрэтным выпадку будзе вырашацца асобна: ёсць выпадкі, калі прапісаныя людзі па адрасе не пражывалі і нават не захоўвалі маёмасць.

 

У самы бліжэйшы час матэрыяльную дапамогу атрымаюць моцна пацярпелыя сем’і з дзецьмі.

Жыхарам пацярпелых дамоў прапанавана часовае жытло, а іх домаўладанні знаходзяцца пад аховай.

Акрамя гарвыканкаму выплаты плануюць арганізаваць Беларускі фонд міра, Чырвоны Крыж.

Кампенсацыя стратаў за пашкоджаную маёмасць будзе зроблена за кошт “Гроднаэнерга”.

 

У міліцыю звярнуліся таксама ўладальнікі 8 аўтамабіляў, якія пашкоджаныя ў выніку аварыі на цеплатрасе.

Гэтыя страты будуць пакрытыя пасля тэхнічнай экспертызы.

 

Прарыў цеплатрасы здарыўся ў 2 гадзіны ночы 18 снежня. Супрацоўнікі МНС выратавалі 11 чалавек, палова горада засталася без гарачага водазабеспячэння.

 

Паводле http://belta.by

Здымак з архіву “Твайго стылю”