Кінафестываль “Cinema Perpetuum Mobile” у Гродне не адбудзецца

|

Два паказа гродзенскія арганізатары фестываля паспелі правесці ў дзень адкрыцця фестываля 13 студзеня.

Мерапрыемствы ўчарашняга дня адмянілі за некалькі гадзін да пачатку.

 

На конкурсны паказ, адзінае платнае мерапрыемства фестываля, які павінны быў адбыцца ў кінатэатры “Чырвоная зорка” заўтра, гледачы па ўчарашніх звестках на сайце кінатэатра ўжо паспелі набыць альбо забраніравалі 99 білетаў  (больш за 2/3).

 

Тым, хто прыйдзе на паказ, кінатэатр прапануе паглядзець “Ганну Карэніну”, а нязгодным верне грошы.

 

Арганізатары “Cinema Perpetuum Mobile” паабяцалі пракаментаваць сітуацыю на наступным тыдні.

 

Другі штогадовы міжнародны фестываль  павінны быў прайсці ў Гродне адначасова з Мінскам, Брэстам, Віцебскам, Гомелем, Лідай, Мазыром, Наваполацкам і Салігорскам.

На закрыццё кінафестываля ў Мінску запрошаныя прадстаўнікі Міністэрства культуры.

 

Адзін з арганізатараў фестываля ў мінску Дзяніс Шэка:

 

– У нас “Cinema Perpetuum Mobile” выклікаў вялікую цікаўнасць гледачоў. Паказы мы ладзім у кінатэатры “Цэнтральны” ў цэнтры горада, вясіць вялікая расцяжка. На выходных былі аншлагі.

Фестываль праходзіць ва ўсіх абласных цэнтрах Беларусі і малых гарадах, у Лідзе, і нідзе няма ніякіх праблем.

Міжнародная праграма паказваецца на экранах у 16 краінах свету.

 

На мой погляд, тое, што адбываецца ў Гродне няправільна.